قدّمت يسر الله على قولة النـاس
اللي تعاتبني على ضيق صـدري
مالومها لو قالت الناس حسـاس
أحدٍ كلامه لي على العين والراس
صادق وصافي لي ولا قلّ قـدري
وأحدٍ كلامه لي درر مثل الألماس
نصايحٍ ترفى على العـز جـدري
وأحدٍ كلامه لي على قب الافراس
عدوْ توّ العين يدري وأنـا أدري
وأحدٍ كلامه لي غرور وتغطـراس
يضحك بناب أبليس والقلب غدري
وأحدٍ كلامه لي فضولي وبـلاس
يفرح علي ويذيع الاخبار بـدري
وأنا على طبع وسجيه ونومـاس
ماهمني حاسـد ولا وجـه ودري
نرزق على النيات والعرق دساس
اللي علا علاّه والحـدر حـدري
أمشي وأنا من ضيم الايام محتاس
وأكناه من خوفة هـدور يهـدري
ضاقت علي وحلوق الاجواد يبّاس
جار الزمان وتالي الوقت كـدري
ليست هناك تعليقات:
إرسال تعليق