Translate


السبت، سبتمبر 11، 2010

أربعهــ فيــ أربعهــ






شـــــــــاعر النبطيــ

سلطـــــان مجلـيــ

اختــرتــ لكمــــ احــدى قصــــائـــدهــ الــرائعــهـــ



بعنــــــوانـــ



أربعهــ فيــ أربعهــ






من فرحتي بـالموعد اللي شرفه داعـي نداكـــ



جيتك أحن من الطفل لاحضــان أم ٍ ترضعــــــه



جيتك أسابق خطوتي وش ما أسابق في لقاكــ



مشوار ياخذله سنه لك فـي سويعات أقطعــه



آجيك بر وبحر.. جو.. لـومشي تستاهـــــل عناك



يا من إذا ضاقت بي الدنيــــا لقيت ابك السعــه



يتعبني المشوار..؟ عادي/ كلمـا جاني فداكـــ



لو موعدك فآخر بقاع الأرض والله مـا ارجعـــه



ياللي حضورك كنه المـا.. والتراب يصير ماكـــ



وشلون باتيمم.. وصوت المـا يثور بْمنبعــــــه



يا غاية القلب الذي مــــا جاز لـه إلاّ هـواك



لاجـاك قلبــي من ضمـاه لْمنبعك لا تمنعـــه



واللي خلقني ان انـا من كثر مـا حبك واباك



اني من الفرحـــه بموعدنــا نسيت (القبعه)



القبعه..؟ إي قبعه..؟! شف ويش سَوَّابي غــلاكــ



أقصـد نسيت عْقالي اللي موضعك مــن موضعــه



شف وجه قلبي من الغلا من وين مـا ينظر لقاكـــ



لــوهي جهاته أربعـــــــه فأنت (أربعه×أربعه)



ياللـي أحبك حب كنــه مـن هناك إليا هناك



لا والله ان الحب لك مـا عدت أقـــــــدر أجمعــه



قـــد نصفي الأول معــــك خذ نصفي الثاني معـاك



وان جيت أبـي ربعي عليك الله لـــي لا ترجعه



خذ بعـضي وكلي وخذ مــا قول لك يـا غير هاكـــ



خذ من ضلوعي المستقيم أعوجه مــا انت بْموجعه



خذني وانا شاريك مـابي مــــــن رضاك الاّ رضاك



دام أنت فـي وقت الرخا لا تنزل الحــب أطلعــــه



خلني بجــول بْخاطرك لــو بـــا تسميه انتهاك



يْبان فــي عيونك كـــلام مْتعبك ومجمعـــه



اتبان كلمــة حب ما هي حلـــوه الاّ من شفاك



كلمــه تسوي بين مجموعة ضلوعـي معمعــــه



اتشجع وْقــــــل مـا يــردك من حياك الاّ حياك



وقف شعر جنبي بهــا واسمع صدى واستمتعــه



قلهـا عشان مْتيمك يـــا تارك العالم وراك



لا فٌضّ فُو من قالهــا وْلا فُضّ فُو منـــ شجعــه



قلْهـا كــذا والاّ كــذي والاّ كـــذيّه أو كــــذاك



كلـي أذان ٍصاغيــه وإلاّ الأيـــادي مربعـــه



ما هو بخوف إلاّ احترامك يفـرقك عـن مــن سواك



ما هـــو غلا إلاّ الغــلا لومـــا تبعك آتبّعـــه



هـــذا خفوقي مـا تعــود عالدلع والله بلاك



قــم دلّعــــه وش منتظر قـم دلّعه قـم دلّعــــه



وهذا القصيد اللـي كتبتـه فيك قلته مــن وراك



شف كيف أبواب القوافي المحكمـات مْشرعـــه



هـذه القصيده لك وهـذي لك وتيّه لك.. وتـاك



خذ واحفظ اللي يعجبك وان جيت بـاكر سمّعـه



جيتك بقلبـي مـدري قلبي جابني لك واحتــراك



واللي ينادينا تعب صوته.. شحب ما نسمعـه



وفـْ موعدك مدري من اللي شجع الثاني وجاك



هو قلبي اللي جا معي؟ والاّ أنا جيتك.. معه؟



ليست هناك تعليقات:

إرسال تعليق