Translate


الأحد، سبتمبر 26، 2010

كل ده كان ليه




كل ده كان ليه لما شفت عينيه

حن قلبي إليه وانشغلت عليه

كل ده كان ليه



قال لي كم كلمة يشبهوا النسمة في ليالي الصيف

سابني وف قلبي شوق بيلعب بي وفي خيالي طيف

غاب عني بقى له يومين ما اعرفش وحشني ليه

إحترت أشوفه فين وان شفته حاقول له إيه

كل ده كان ليه



اللي حيرني واللي غيرني واللي فاتني ف حال

نام وسهرني والا فاكرني والا مش عالبال

صبحني في هم وويل من طول ما بفكر فيه

نساني أنام الليل خلاني أبات أناجيه

كل ده كان ليه



ليه بيحرمني من سؤال عني وافضل استناه

لو

يكلمني كان يطمني ع اللي بتمناه

يا شاغلني ليل ونهار بغرام ما اقدرش اداريه

شوف قلبي وشوف النار اللي انت قايدها فيه

كل ده كان ليه

ليست هناك تعليقات:

إرسال تعليق