Translate


السبت، أكتوبر 02، 2010

الا يا عيوني




الا يا عيوني ما يفيد النظـر والشـوف
تكافـي وكفـي لاتراعيـن ياعيونـي
تكافي كفاك مكايد الجاد للغضـروف
ابو وجنتٍ فيها شرى الموت مقرونـي
انا اشوف شوفك واتمنى وانا مشـوف
من اللي سلب عقلي وأشقان بضنونـي
غزالٍ يداني خيطوته بين امان وخوف
يوطي قدم رجله على القـاع بالهونـي
لاحظني بعينٍ كن فيها نمش وسيـوف
وقع ما بكفي واختلف وانصفق لونـي
تبي ذبحتي ياريم وادي سكاكا الجـوف
حسيبي عليك مصرف الخلق والكونـي
تعرض غريبٍ مازحٍ يم ابن رفـروف
ورا دار قاره يقلب الذيب مـن دونـي
الا يا عذابي منك ياضامـي السلجـوف
شبكني هواك وبيـح الحـب مكنونـي
الا يا زريف الطول انا اطلبك بالمعروف
بعد عونت الله منك انا باطلب العونـي
دخيلك تلبي دعوةٍ من ثلاث احـروف
طرف ساعةٍ نفرح بها وانت ممنونـي
اريح ضميرٍ بالهـوا مولـعٍ مكلـوف
مـن الله خلقنـي بالغناديـر مفتونـي


ليست هناك تعليقات:

إرسال تعليق