ناقتي يا ناقتي ما عليـك مـن الهـروج
صيحتين في قفى الذيب تقفاهـا العجـاج
العدل يبقى عدل والدروب العـوج عـوج
والعمى من لا معه من فعل كفـه سـراج
يا مكثرة الحكي والفعايـل عـوج هـوج
ما يحذف الناس من كان بيته من زجـاج
يا حمد طيراً جناحه ورى صدري يـروج
ويش اسوي كانه افلت من ضلوعي وراج
مولدي في ارض عبقر من العام محجوج
انشدوا عن مولدي ليلة الحج ألف حـاج
المطالب يا حمد دونها ضـرب الفجـوج
دونها شربك قراح مثـل شربـك همـاج
ما ثنوا عزم ابن عباس اصحاب البـروج
لين زوجها من اعزب حدب سيفـه زواج
والدهر معنى دخوله من الداخـل خـروج
والله لزبـن دخيـلاً ولا سنـع خــراج
يا حمد لا تأمن الجدب في خضر المروج
مزنة العذب الفرات امطرت ملـح اجـاج
ولولا قولة والنعم ما اعتلوا فوق السروج
امة قبلك خبـر حيهـا فـي الأرض داج
لا تعجب مـن علـوج توطتهـا علـوج
والله ان الشـر للشـر احيانـاً عــلاج
في جنوب افريقيا البيض ياطون الزنـوج
وفي شمال افريقيا البيض ما ترفع حجاج
بترفع عن رجالاً علـى الهينـة تـدوج
عالم رامت مرام الصقور وهـي دجـاج
قيصر من فوق غوج وكسرى فوق غوج
والجماعه بينهـم راكبيـن فـوق صـاج
وش نبي في هامةٍ همها ضحكـة غنـوج
أو قيامة قامـةٍ مـا تقـوم عـود عـاج
أحمد الله يوم لي من خيال الموج مـوج
اركبه لهاج سيف البحـر تحتـي ومـاج
ما تصفحـت الليالـي تصفـح كتالـوج
لين مع كل حادثٍ ذي حدث عشنا مـزاج
العقيلة ما تبي غيـر ابـن حربـان زوج
يوم حاجة الذيابـة غـدت عنـد النعـاج
ساقي النشوى لها من خروج في ولـوج
كم أنال الصحو منهـا شديـد الإحتيـاج
يا حمد مسيار ربعي عليـه فـوج فـوج
غايتي يوم الردي غايتـه نجمـه وتـاج
ليست هناك تعليقات:
إرسال تعليق